Om Trostereiret

ENK registrert i 2013
Org. nr. 912 333 485

















Målsetjing:


- å levera produkt av beste kvalitet.

- å stadig fokusera på rettferdige, etiske og miljøvennlege produksjonsformar og produkt.

-  å møta deg som kunde med respekt





Kontaktinfo:

Reidar Vik  dagleg leiar/CEO
Tlf. 95 46 34 52
Epost: trostereiretvik@gmail.com
Bruk gjerne e-posten til å kontakta meg på google hangout. 


Historie:

Det heile begynte med eit ynskje om å laga noko. Noko som eg sjølv hadde tenkt ut og produsert. 
Det første som vart produsert var t-skjortar med silketrykk der det var eit bilete av ei ørn og teksten: "Øygarden ... wild serenity"
.


Alt av utstyr var heimelaga. Enkle trerammer med duk av eit eller anna gardinstoff frå IKEA og maling kjøpt i næraste hobbybutikk. Det skulle selgjast på Hellesøydagen i 2013. Ein kan vel seia at eit sal på ei t-skjorte ikkje var ein brakstart, men sidan har både teknikk og kompetanse utvikla seg og eg har trykt på t-skjorter, gensre og jakkar til lag, organisasjonar og firma. 

Sidan har det vorte både trykking, laging av basarårer (som no har utvikla seg til å bli Noregs kanskje finaste ... tips meg om du finn nokon som lagar betre årer om du finn det.) og så til lasergravering.

Eg fekk tak i ein godt brukt lasergraveringsmaskin som ikkje fungerte hos Johannes i fjordtynna.no. Den har eg brukt ein del timar på å reparera og no brukar eg den til lasergravering på utvalde produkt alt etter kva for ynskjer kundene har. Etter kvart har fokus gått meir over til arbeid med tre og eg ynskjer å kunne gjera prosjekt for kundar innimellom anna arbeid.